Kan soley i komans férm lo zié é zétwal pwint lo bout son né… zartis inn apré inn anparmi in publik kurié é biynvéyian i pass baro….
Dann in lanbians i koné pa ankor li sa pét an flér pou kré souvnir ek lémosiyon an poundiak sé 𝗟𝗘𝗦 𝗜𝗠𝗣𝗢𝗦𝗧𝗘𝗨𝗥𝗦 i léss shapé zot premié not’ an zakor.
Les Imposteurs bann źénn zan o « rock » éléktrizan… in bass grav , »in batterie i konn for, in gitar feros pou révéiy in publik rapidman konki par lo bann demi finalis Son du Bahut 2025. Rock on you, rock on me… Rock is still alive with Les Imposteurs.
La bwat à surpriz muzikal (K)ozé sé un multilunivér ousa shak zartis i mét zot zingrédian pou relév lo gou le manzé pou lo kér. 𝗦𝗘𝗠𝗕 𝗟𝗢 𝗞𝗘́𝗥 lo déziém group pou mont su podiom i ral anou dan son galaksi. Ant in repriz Biél Ivoula « Filaos » devnu patrimwanial… é « Mon kér » in kompo « Semb lo kér »… bana i tras zot shemin ti pa ti pou prépar ankor dot gayar shanson asuréman…
Shanté i donn swaf… poukoué shwazir kan ou pe prann in 𝗖𝗢𝗖𝗞𝗧𝗔𝗜𝗟 𝗠𝗨𝗦𝗜𝗖𝗔𝗟. Lo group té an fors iyer swar pou in lanbians séga piké… dam dovan … kavalié dériyér… séga an avan tout… Cocktail Musical la fé dans lo publik an sourir transh papay pou aprési lo moman partaz. Bwar in kou ek modérasiyon mé dansé, shanté ek Cocktail Musical à konsomé san modérasiyon.
N’alé lao astér… ousa la yab atitud i atann anou pou mont anou zot fason fé é viv la muzik. 𝗙𝗔𝗠𝗜𝗟𝗔 𝗠𝗨𝗭𝗜𝗞 apré avwar ranport lo Prix 20 desamb 2024 la desann bor mer par koté soley Sin Benwa. In zoli dékouvért i san bon lodér flér kann i ariv tanto a maturité dann nout karo kann Sin Benwa.In bouké shanson an kdo i fé dans é shant in publik konésér é pasioné. FAMILA MUZIK… In muzik métisé koulér nout peï, koulér maloya, koulér la tér… koulér nout lidantité kréol.
La sénn ouvér sé tout kalité zoralité…sé osi souvan lo mo, lo teks sat ali tousél i rakont i koz ek nout kèr, nout dedan, nout zantray… nou reflé shemin vi. 𝗘𝗚𝗟𝗔𝗡𝗧𝗜𝗡𝗘 𝗣𝗔𝗡𝗜𝗭𝗭𝗜 la déliv anou in teks tré personel i koz amour é désamour… le shemin de la rekonstruksiyon ousa déziluzion, shagrin é mém tit surpriz du kotidiyn i pran vi diferan manir an nou. Dan Lo teks Églantine Panizzi lé mo sonn… lémosiyon rézonn. …!
Nouvel uméŕ, nouvel émosiyon aprésa avec 𝗔𝗨𝗗𝗥𝗘𝗬 𝗘𝗟𝗬 akonpanyé par la gitar 𝗔𝗟𝗘𝗫 su in repriz « Darkness at noon ». Audrey la vwa kristalinn ant fors é frazilité i less sa vwa ral lo publik lo tan son shanté koté dél, ansanm él…La linn té éklèr aél dann milié la pist o zétwal su podiom Bisik é son vwa té bers lé zétwal an mém tan.
Dernié viraz… Pa dernié figir…
Bann zoli dékouvért kan na pu, néna touzour ankor plus dann swaré iyér swar.
𝗘𝗠𝗠𝗔 𝗕𝗢𝗦, pié nu, zust sa vwa, akapéla, é antiérman él lo tan inn shanson, in « ti » shanson mé kél gran shanson, kél gran vwa, kél prézans… Kél talan tou sinpleman. Emma Boss tard pa viyndra vit nou espér ek son bann muzisiyn pou angant anou ankor plis.
Kan nou pe, nou refuz personn a nout tabl pou manz mém in ti gazon pou lo kér… 𝗗𝗘𝗡𝗜𝗦 𝗗𝗜𝗗𝗜𝗘𝗥𝗟𝗔𝗨𝗥𝗘𝗡𝗧 lé serv anou in ti poém « Noé L’orchidée » ek in ti moral pou fini son teks tel lé Fables de La Fontaine…. A tanto pou la suit…
Navé in ti fiy dann in sanson la desann SinD’ni pou li rod travay… Aswar sé in marmay SinD’ni, 𝗗𝗜𝗘𝗭… li la desann Sin Benwa pa pou travay mé partaz son travay, son mizik in maloya-rap, in muzik i di kisa li lé, « Kosa li vé « . Alor alé « Di bana » Diez i sa tap for dann koko ek son son tel in » KALOU » dann pilon… Diez li « Lé gayar » mé vréman gayar marmay-là!
La pran son tan … mé 𝗗𝗬𝗗𝗔𝗨 la fini par giyn fé son sénn ouvér (K)ozé Bisik… apré baraz Garance… surmont doulér lo Chik … Kas ki briz malgré dé moun lo group la rest atér akoz touzour lo chik (pansé retablisman pou zot)… té ékri Dydau navé pu tan pass son tour é relév lo defi ek 𝗩𝗔𝗡𝗘𝗦𝗦𝗔 é 𝗔𝗨𝗥𝗘́𝗟𝗜𝗘.
ansanm el pou ni angant anou osi ek in maloya-romans. Dydau in kabar lamour bon kér, gran kér. In maloya sat son zistwar i rapel anou osi souvan dé fwa nout zistwar, nout tramaiy la vi. Shakin son zistwar mé ansanm nou la ékri osi in listwar komun ek zot maloya romans.
Zot la di kabar… Di kisa lé la… maloya ? Maloya pa ?
Pou 𝗝𝗘𝗦𝗦𝗜𝗖𝗔 𝗖𝗛𝗔𝗡𝗔𝗧 ék son voi incroyab, son group Sana Maloya, Gaë’la Gaë’la, Đi Mi é Enzo Mael Horeau, la kestiyon i poz pa. 𝗦𝗔𝗡𝗔 𝗠𝗔𝗟𝗢𝗬𝗔 … maloya plis in mizik… in relizion, in manir viv, in tizan… Sana i viv é respir maloya. Si Sana maloya la pa fé maloya maloya té fé pou zot ! Lo kor, lo kér, léspri i viv, i shant i dans ek la mizik Sana Maloya.
Bana la pran in zoli plas dann kér lo publik iyér swar, dan nout kér… Sa….Na Maloya partou toultan !
Sé pu in senn ouvér… té in ron maloya lo final iyer swar…
Dernié rant dann ron, dann vouv té lo group 𝗭𝗠 𝗠𝗔𝗟𝗢𝗬𝗔… in lékip bandé… i donn digaz kom i di… Si lo nombr i fé la fors… la fors maloya ZM MALOYA i sufi ali mém pa beswin tro… Krazé, pilé ziska tar si la sénn Bsik ek ZM Maloya…
Té le Dernié dé dernié pou iyér swar su la sénn… anfin presk… la sénn la baskil aprésa dann in ron maloya inprovizé dann zardin Bisik lespas in bel instan.
ROULO BRAVO pou tout lo bann zartis la ni zoué zot muzik, teks, poém , fonnkér sanm nou dann lamour é partaz.
Mersi lo publik kurié e biynvéyian la fé lo déplasman pou dékouv sa sanm nou.
Mersi bonpé tout sat i rann sa possibl an premié lieu lékip bandé Bisik.
In gran S’pésial remersiman pou 𝗠𝗟𝗜𝗡𝗘 la ni fé ĺo dernié (K)ozé kou-si sanm mwin pou referm premié parantéz 2025. Gran mersi pou tout lé ot swaré (K)ozé partazé é viv ansanm dann la zwa, rir, moukataz an dalonaz… Demin sé in ot zour… nartrouv plis devan… Shemin la réusit out bann projé i atann aou… alé… suiv ali zisko bout! Va… vi é deviyn…
Alé rido… nartrouv vitman pou dot dékouvért é dot zémosiyon…
Merci Bertrand pour ton talent, ton engagement, ces belles rencontres et ces grandes émotions, merci aussi pour ces mots inspirés et sensibles. Merci Mline pour ta générosité et ton humour piquant, brûlants… Merci à tous pour votre présence, votre générosité et votre bienveillance, merci aux artistes d’un jour et de toujours pour leurs talents sans limite. Merci à nos partenaires sans qui rien ne serait possible, à toute l’équipe du Bisik fidèle au poste et enfin à notre coéquipiersculinaire las.vegail.traiteur et création végan inspirées.
La semaine prochaine on vous donne rendez-vous sur l’Esplanade du Front de Mer de Saint-Benoît pour un nouveau Concert Anniversaire Dizan Bisik en plein air et gratuit !
Un feu d’artifice de rythmes et de passion ! Une soirée unique qui vous entraînera de l’Afro Beat Haïtien du groupe Motolo, venu spécialement pour l’occasion, au rap enragé de Jaliloff en passant par les rythmes afro-soul de Klowdy accompagnée de ses musiciens et les tubes incroyables de Pix’L accompagné pour l’occasion de DJ Dan !
Le fil rouge de la soirée sera assuré par D-Lisha qui viendra réchauffer l’ambiance à chaque changement de plateau pour le plus grand plaisir des amateurs d’Afro-House et d’Amapiano.
À n’en pas douter cette soirée risque de rester gravée longtemps dans les cœurs, les corps et les esprits !
Le Bisik
Photos Nicolas Renamba
Rendez-vous le samedi 17 mai sur l’Esplanade du Front de Mer de Saint-Benoît dès 19h pour célébrer les Dizan du Bisik avec nous. C’est GRATUIT ! On vous attend nombreux !
Samedi 17 mai sur l’Esplanade du Front de Mer (Saint-Benoît)
Premier concert : 19h
Infos au 0693 63 39 39
Entrée Libre et gratuite
Food Trucks sur place
Régie : Alexandre Duchemann / Vincent Gerbith
Son : Vincent Gerbith
Lumières : Alexandre Duchemann Photos : Nicolas RENAMBATZ Photographe
⚠︎ Cet espace d'échange mis à disposition de nos lectrices et lecteurs ne reflète pas l'avis du média mais ceux des commentateurs. Les commentaires doivent être respectueux des individus et de la loi. Tout commentaire ne respectant pas ceux-ci ne sera pas publié. Consultez nos conditions générales d'utilisation. Vous souhaitez signaler un commentaire abusif, cliquez ici.