L’EKO LA RAVINE
Dépi Janv 2005 (Loi Borloo) bann lantrepriz de plus de 300 salarié i doi mèt an plas le GPEC.
Normalman, la gestion prévisionnelle des emplois et des compétences (GPEC) lé in métod pou gère lé zemploi ek konpétans bann travayèr, par rapor lévolution ce bann (gran) lantrepriz.
I appel sa resours humaine. Ek so zoutil la, i akonpagn lo salarié kom lantrepriz pou trouv in solution kan nana in difikulté, sektèr par sektèr. Par exemple : in perte de produktivité, in délokalisation, in réorganisation… lo prinsip sé antisip bann gran défi kom transition énergétik, mode de produktion, sektèr an pointe ou an déklin…
Li pran son plas à 3 niveaux : 1lantrepriz, 2bann branche professionnel et 3lo teritoir.
O nivo lantrepriz : formation ek kalifikation bann salarié, valorisation konpétans, lakonpagnman mobilité ek changement strukturel, lévolution profesionel…
Ankor in foi, bann mezur gouvernman nana plein lintention, mé lo rézulta souvan lé loin la réalité. O final, lantrepriz li fé inpé kom li vé é kom li pé. Bann salarié i doi adapt azot o changement.
Kan i parl lévolution professionnel, promotion… i fo souvan paye lo pri. Inn ti bénéfis pou in gran sakrifis. Parske i fé rant aou dann in processus suprésion demploi ek surcharge de travail !
Par ailleurs nou la konpri osi ke l’Etat i fé sanblan intérès azot à lavnir bann travayèr mé an finn kont li favoriz pluto la santé financière bann gran lantrepriz.
Bann branche profesionel : sé un regroupman lentrepriz din mèm sektèr : hotel-restoran, métalurgie, transport…
Aterlà, la GPEC i done zinformation su bann lévolution ékonomik, démografik, teknologik … Branche par branche. Li done osi son lavi, lanaliz su sak i fo kom kalifikation ek konpétans. E li rogard si bann lentrepriz i aplik bien son rekomandation.
O nivo téritoir : La GPEC T (territoire) i doi antisip la mutation ékonomik ek lévolution lemploi su lo téritoir. In bonpé zaktèr lé konserné : l’Etat, bann partenèr sosial (sindika), Pôle Emploi, bann lantrepriz, kolektivité téritorial, Région, Département…
Ce group la i mont in plan, i rogard bann zobjektif, i désid lo projé si lé faizab é koman, ek ki, kel moyen…
An rézumé, sé in lorganization an bann, ousa tout zaktèr la i koné ousa i fo alé, koman fo fé. E souvan lo travayèr li, li koné pa kosa i atann ali.
Sens unik
Mon lavis sé ke la GPEC Lantrepriz, branche ou Téritorial i antisip su la problématik financière du monde de Lantropriz mé pa asé su le dévlopman humain proprement di. Shomaz i arèt pa ogmanté, travay na pi, salèr lé fèb, nou viv rienk ek subvantion… é bann désizion lé à sens unik.
Si mi prankont tout bann resours ke nana o nivo de nout téritoir la Rénion, mi pense ke nana dévlopman pou fé, o nivo tranzition ékolojik, énergie verte, lexploitation la tèr, la mer, soleil, cascade…
Nou lé in peï rish en natur, mé pov an zidé…
Georges Ah-Tiane pour l’Eko la Ravine
