Lémosiyon pou anlériz nout kiltir
Iyér (vendredi) swar dann vouv Bisik, la vey zourné Internasional drwa bann Fanm. Navé in plato 100% féminin pou la sénn ouvér (K)ozé fanm.
In zoli list ousa shakinn dann zot kozé, shanté ou just par zot présanz té la pou partaz zot valér, zot fors, zot particularité é talan.
An mét sérémoni pou prézan é anim swaré-là navé la talantiez Anabel Feri, lumorist, é lo fonnkézér Bertrand Robert.
An tét de list, navé inn zarboutan, in valér sir lo kont é la kiltir réyoné ek Josie Virin. In ti madam mé gran talan pou zoué ek lo mo ek son kont. Sourir transh papay Josie Virin i zou ek lo mo é ek bann spektatér pou lans kom i fo lo (K)ozé manir « fanm power’.
Anparmi nou navé Mickaël Maillot pou reprézant CCCE ek Bernadette Bertil. El la la pran parol (nou la in pé zoué voler 4 ti mo) pou koz su konkour Kozarlor 2026 é ousa la final lo konkour élokans pou bann liséin va fé le 22 mé lanfi bioklimatik liniversité Sin D’ni.
Mersi bonpé le CCEE pou zot prézans dann (K)ozé in nouvo fwa Bisik ousa la lang napwin lo zo pou donn la parol tout sat i vé.
Diskours lé zoli mé agard lo frui i tonm larb konkour Kozarlor lé ankor méiyér.
Sé in ti fanm an devenir la loréate konkour 2025 Cécile Crayer la partaz sanm nou teks « Kosa in fanm’. In teks ousa lé mo tel in plédwayé pou fanm sat el i vwa é sat el i aspir devenir. Son bann mo in léko for an lotantisité i rézonn dann kér é lespri lo publik fas ael. Kozarlor i mont biyn nout źéness néna pou di…fo zis donn azot lespas é le tan pran la parol é nou an fas pran le tan ékout é akonpann azot.
Ban zartis i ansorsel lo publik
A pénn lo tan bat la min pou el in not ti fanm… i repran lo mikro Adeline Jean Baptiste… in teks « Mon péï « kestiyon répons su lo rol é la plas fanm dan son péï, dan nout péï. Adeline kan i dor pa i ékri, kan i léss lo mo venir, kan i léss lo kér kozé tout i deviyn pli sinpl… kom in lévidans…pou ou kom pou nou. Kontinu ékri lo mo va bers ti baba dan out vant arondi an vwa famiy.
Lo mo… lo mo… shak zartis fanm navé gayar pou di pou partazé é apré Adeline… Sé Anne Laure Epiloius la raménn anou Dan « La foré gran pér ». In zistwar rakonté ek sansiblité, otantisité ousa lézérté son vwa té inn gourmandiz pou lo publik té aval chak mo inn apré lot kom in manzé pou lo kér. Nou la mont la foré granpér Lao ek Anne Laure Epiloius pardsi nuaz a ousa son teks in bon respirasiyon pou nout lespri.
Inn, dé, trwa… alala in 4ém fanm Sophie Belim i viyn abit la sénn tou abiyé de blan. Son fonnkér « Kisa mi lé »in mazigadoraz i ansorsel lo publik i donn la vwa pou shant ek el son refrin. Sophie Belim té pi tousel sur sénn mé tel in shef de kér lo publik dann in mém vwa té fé rezonn zot kisa mi lé… Ansuit Sophie la shant in version kréol la shanson Barbara Pravi VOILA . Lo son piano o sérvis sa vwa é sa vwa o servis la mizik Sophie i terminn sa prestasiyon ek la fors lémosiyon el la partaz sanm in publik shantér … ankor in ti refrin pou la rout… Kisa mi lé? Té Sophie Belim!
Dann Vouv Bisik anparmi sat i travay pou propoz azot gayar moman ek zartis, pou anlériz shak moman presié dann Bisik nou néna Oceane… Mé iyér swar sé OC , son nom dartis té là sanm nou. El la shanz de plas pou pran tout sa plas su podiom é prézant anou dé tit. OC son tit « Amér » é son promié klip i tourn an boukl su radio. OC sa muzik na lo fors in ti briz le matin i rafréshi aou… I fé du biyn… Si le tit i apél Amer… sa vwa siro domiel i angant aou. In zoli pépit é asuréman in zoli dékouvért pou sat té koné pa déjà…. OC … 2 lét.. pou retenir…pou réviz in lalfabé musikal ousa el Nora ankor pou shanté pou lontan ankor.
Maloya manir fanm…
Sé Alex Jtn i ral anou dann son maloya manir fanm… akonpanié par dé muzisiyn Malovibes. Alex Jtn tout an énérji é la fors maloya. La vwa, Lo rtim … krazé… pilé… ala nousava… Maloya i rezonn for… Alex i donn pou alé… Maloya … maloya pa… maloya manir Alex Jtn … son shanté in sourir ali tousel in siniatur maloya ek lokér.
Apré in maloya dofé dann vouv… nou poz anou pou akéiy Audrey Auguste.
Audrey Auguste El i viyn poz sa vwa pou ral anou dan sa version vwa gitar dann lo « jardin d’hiver » Henri Salvador. In rafréshmin pou nou. Dousér sa vwa ek sat jardin-là la apéz anou… pou repran la suit lo voyaz… Ek Audrey é Alex, son guitariste, tout té paré plu sinp… Audrey ek sa version « SOS d’un terrien en détresse » la fors é lo pwa parol Balavoine mélé ék la dousér sa version… linn i port lot kom si fors é lézérté té fé inn.
(K)ozé Fanm i vwayaz san fin… nou dékol dan in lunivér pou atéri dan in ot tout le lon la swaré. Pou lo proshin vwayaz la pilot té YÉIAZEL. I ral anou direksiyon Jamaïque… « Give me reggae » de Yéiazél anbarkman imédia o péï reggae 974 version fanm mon péï. Yéiazél i abit son mizik kom lo reggae i abit ael dan sak tit el i interprét… « Mi vé ouar » ou ankor son dernié morso pou nou aswar « Li donn la vi » in hymn reggae pou tout fanm i deviyn momon… Monmon zarboutan la vi… Monmon reggae woman la fors la vi ek Yéiazél.
Nou lavé la fors reggae… apresa nou lavé la fors la vwa Marjorie Hoareau . Timid, la janm té tranm presk in pé avan mont su la senn mé inn fwa la mizik lé parti…. Popopo… Sort devan… Dériyér La vwa klér é fort Marjorie i baléiy tout su son pasaz.
Picture you… Hopelessly devoted to you… Hurt… eli deroul son « set » tout an english ek brio é talan… Popopopo… el la fé for… ben wi alor… nou lavé pwin vér kristal… me la vwa Marjorie Hoareau la biyn rezoné é réyoné dann vouv Bisik…
Ravaz pa lo guêpe sinonsa…
Apré tousala fanm … falé biyn inn pou ferm lo bal… Talan an poundiak… an paké… in tralé navé au m² iyeroswar…
Nou la santi depi bonér falé less lé klé pou lo final pou Elodie Calciné… Elodie la veiy té son laniversér… é an kado famiy… dalonn la ni antour ael pou fé pét la kol … pou fout le faya su la sénn Bisik.
Elodie Calciné la fors la gériér é dofé pou la vi…. 2 an 1… Elodie in fanm dofé…
Dofé séga… pou in publik dofé… pou in final dofé…. Séga dann lénerzi… la bonn umér… lo partaz ansanm in publik ravi… Elodi i fé pét la kol dann in dernié rapel « Ravaz pa lo guêpe » de Sega »el… Elodie Calciné i ravaz pa el fou dofé i bril tout ek son séga… Sho devan pou alé manz in dernié bout gato…
La swaré i fini…. mé kel swaré… in zoli … zoli swaré… mi do ankor in zoli swaré
Nou la akeuiy in sénn 100 % fanm… 100% la fors… 100% konba… 100% espwar… 100% rév… 100% diniyté…100% persevérans…100% dousér… 100 % emosiyon…100% FANM.
Gran gran mersi Anabel Feri la anim ankor inn fwa lswaré-là koté mwin ek talan é brio . Gran kér, bon kér, gran talan ek umilité é zénérozité … dann la zwa é la bonn umér.
Mersi bonpé tout lékip Bisik é tout sat i rann sa posib pou lo bann zartis nout Gran Péï La Réniyon.
Gran mersi tout Fanm mon péï, nout péi!
Nartrouv plis devan…
lé mo : Bertrand Robert
Merci Bertrand pour ton énergie, ces belles rencontres et ces grandes émotions, merci Anabel pour ton humour et ta bienveillance, merci à tous pour votre présence, votre générosité et votre bienveillance. Merci aux artistes d’un jour et de toujours pour leurs talents sans limite. Des femmes courage, des femmes engagées, des femmes puissantes et inspirées… Merci à la DAC Réunion – Direction des Affaires Culturelles qui soutient les pratiques amateurs lors de ces rendez-vous au Bisik et à tous nos à nos partenaires sans qui rien ne serait possible, à toute l’équipe du Bisik fidèle au poste et enfin à notre coéquipière culinaires Nathalie Fontaine.
Vous le savez, le Bisik sera prochainement en travaux et la prochaine soirée (K)ozé se déroulera à La Médiathèque Antoine Louis Roussin le 11 avril.
En attendant d’autres rendez-vous vous attendent :
Le 25 mars, Master Class avec Mike Dawes élu meilleur guitariste du monde à deux reprises (inscriptions obligatoires) ; le 28 mars concert de Dominique Barret à La Salle Gramoun Lélé (Attention il ne reste plus que quelques places !).
Le 11 avril comme évoqué on se retrouve à La Médiathèque Antoine Louis Roussin pour un après-midi (K)ozé. Le 18 avril on vous attend à la Distillerie de La Rivière du Mât à Beaufonds pour un événement exceptionnel : « Viyn Gouté » avec du Jazz, du maloya, du patrimoine, de la gastronomie… en partenariat avec la Distillerie de La Rivière du Mât et Épicurien à table. Le 24 avril nous avons la joie d’accueillir Ballaké Sissoko et Piers Faccini à La Salle Gramoune Lélé ! Pensez à réserver !
D’autres surprises à venir ! Suivez-nous sur nos réseaux et surtout pensez à réserver : Billetterie : https://bisik.mapado.com/
Photos© @IrisMardemoutou
⚠︎ Cet espace d'échange mis à disposition de nos lectrices et lecteurs ne reflète pas l'avis du média mais ceux des commentateurs. Les commentaires doivent être respectueux des individus et de la loi. Tout commentaire ne respectant pas ceux-ci ne sera pas publié. Consultez nos conditions générales d'utilisation. Vous souhaitez signaler un commentaire abusif, cliquez ici.