LE SPECTACLE RACONTÉ PAR LE BISIK
Iyér pou louvértur (K)ozé sénn ouvér Bisik su parvi Médiaték Antoine Roussin Sin Benwa navé 3 zénn marmay la pran lé klé… pluto lé manét.
Dj Pickled, Dj Nch ek Dj McGaz, 3 Dj 3 anbians 3 fason montré zot gayar é fé mont lanbians an ouvertur manifestation (K)ozé… Ralé… pousé… tourné.. viré…. le son la donn paké…pou lo méiyér riyn lo méiyér !
Sé sur lo mix Dj McGaz…Zoé, Élise, Aurelie i rant dann ron pou in free style danse manifik ! la zéness é le talan i konjug touzour é osi o féminin dann (K)ozé.
Apré avwar alumé la mésh pou lans (K)ozé oktob tout i retrouv dann sal léshanz mediatek pou la suit laprémidi.
Anabel Ferri lumorist ék Bertrand té o servis o mikro pou in koktél prézant la suit lo défilé lartist prézan.
Nou redémar ek la dans ek Crazy’s in group K-pop Bras Panon. Alyssia, Neela, Marcela, Joris ek Louane i anshénn lé pa é inn Corée(grafi) si la sénn (K)ozé. Lo rytm, la kadans, du talan : La zéness o pouvwar i donn pou alé… suiv dérièr si ou giyn…
Aprésa nou gard lo rytm la mizik urbénn ek Maxime Tanjon alias Equabox pou in démonstration, pou pa dir inn leson Beat Box. Equabox i métr é i iz lé ritm, lé bann melodi é lo bann éfé sonor riyn ek son boush, son vwa, son nez é son gorz… incroyab !
Retour o sours…
Apré la dans é sonorité divers, sé lo retour o sours ek lo mo pou (K)ozé, pou ozé dir sat ankor pa lontan té oz pa dir…
Sé Gaelle Samsora i larg son promié fonnkér su la sénn Bisik. La bénediktinn dan son « Détak mon kér » i liv son vérité, son mo, son shemin … léss lo ker (K)ozé… lo mo lé for é toush lo publik la reponn prézan.
Ansuit nou rest dann la poézi ek Ayyash in poézi tou osi personel, bann mo i kestionn é in frazé i joué pa ek lo fé sanblan… Inn verité, son vérité, riyn son vérité…
Kom dopi mwa dernié Aurelie Subijus alias Kér Sovaz i ménn an paraléll sénn ouvér in latelié ékritir dann Médiaték… Sé Sabine la partisip latelié la ni prézant anou son zoli teks. In teks ousa lo mo osi lé kapabl dansé dann in korégrafi ékri a la pwint in stylo. Bann mo a la fwa lézé é subtil.
Kan Kalbass i suiv la rasinn, lo mo suiv la melodi…
Virginie Abdallah la pran lo relé. ankor in nouvo madam la trouv shemin Bisik pou remont kouran dopi Sin André. El la fann an subtilité dé morso, de konpo ael… inn melodi… in vwa… in kayanm… pa plis pa mwin pou in zoli moman partazé ek lo publik kaptivé par son shanté é son ora naturel san zartifis…
Dann se battle ora artistik se Mosla i pran lo mikro dann in rap ziselé, taiyé o mo pré. Lo son i klak. Mosla i guid lé mo dann in rap 974 biyn vivan ousa riyn lé lésé o azar ousa shak mo i trouv sa plas é i rant an resons sanm son muzik. Mosla la pran son plas ek talan su la sénn Bisik. La zéness o pouvwar plis in slogan in révandikasiyon lézitim.
Partenér… partenér…
La zénéss é lo talan i travay ansanm, sé dann l »ADN nout partenér la médiatek Antoine Roussin mé osi EAMB( association Éducation Animation Musicale Benedictine). EAMB in partenér présié pou mét a disposizion zot mwayin musikal mé osi pou partaz sanm nou lo travay zot zélév shantér et muzisiyn akonpanié par zot proférer Frédéric. Iyér sé su 4 morso « Fly to the moon » , « Hier encore », « Si j’étais un homme », « Tant qu’on a que l’amour ». 4 tit ousa la fors i port lemosiyon ousa lo talan Ashvina,,Émilie, Emeline… i partaz plis inn sanson ansanm lo publik sharmé é émosioné tou a la fwa.
La fors i trouv osi dann (K)ozé…
Alors Anabel te pou rod ali su lo twa, anler in statu té sinpleman pozé an parmi lo publik Dano la rejwinn sinpleman la sénn. In lartis sinpl, gran kér lwin bann zimaz nou pe vwar dé fwa su rezo sosio. Dano lo boug i fé la mizik an partaz bonkér. Lartist la prézant anou 3 morso notaman son proshin, in maloya « Zétwal « . Son tét i tutwa souvan Zétwal mé sé in boug biyn dan son muzik, son réalité, son kultur. Ek son proshin morso i ariv vitman, Dano in boug i koné son shemin krwa é i koné partaz son shanté an danzéré ! Dano lo shantér i « Donn la fors » dann kozé ek son shanson la finn alé telman lwin, par-delà nout lil, sirman ziska karess lo siel tou lao…
Dernié viraz ek lartist Kamikraz. linvité dernie minut, ant Sin D’ni é Ste Sizann … nou la trouv in ti plas pou Kamikraz met lo faya ek son dance-hall 974. Lo Flow lé teknik é rapid.. mé lo son lé bon… dofé… Dofé pa dann ron pwin mé su la sénn Bisik pou fini laprémidi dann (K)ozé Bisik.
Ankor inn fwa navé gayar talan pou aprésié. Ézit pu rejwin lavantur, viyn partazé sanm nou le 14 novanm an spektatér ou artis, viyn antouré i vo lo kou…
Bisik i kontinu son mode vavangaz. Suiv anou su rézo pou konét ousz nou lé mé suiv anou partou pou vré, nou prefer kan zot lé sanm nou, koté nou, pou partaz sanm nou, pou viv ek nou !
Mersi bonpé lé zartis la kado anou zot gayar.
Mersi bonpé lo publik la prêt anou zot zoréiy, zot lam, zot kér pou viv sa sanm nou. Mersi Anabel Feri la anim é preźant lévenman la sanm mwin.
Mersi la Ville de Saint Benoît et la Médiathéque Antoine Louis Roussin… L’EAMB… mersi bonpé lo personel pou lakeuiy é zot partisipasiyon.
Mersi « S »pésial pou tout lékip Bisik la mobiliz azot pou rann sa posibl… ankor in fwa.
Mersi Bisik pou la konfians…
Nartrouv vitman !
An dalonaz
Bertrand Robert
Merci Bertrand, pour ton ta respiration, ton inspiration, ton implication, merci Anabel Féri pour ton humour pik nik, merci à tous pour votre présence, votre générosité et votre bienveillance. Merci aussi à La Ville de Saint-Benoît pour la confiance et le soutien, à La Médiathèque Antoine Louis Roussin et son équipe pour l’accueil et à L’EAMB (École de Musique de Saint-Benoît) et son président Jean-Hugues Dalleau, pour leur soutien précieux. Merci aux artistes d’un jour et de toujours pour leurs talents sans limite. Merci à la DAC Réunion – Direction des Affaires Culturelles qui soutient les pratiques amateurs lors de ces rendez-vous du Bisik et à tous nos à nos partenaires sans qui rien ne serait possible. Merci aussi à toute l’équipe du Bisik fidèle au poste.
Vous le savez maintenant, le Bisik sera prochainement en travaux et notre programmation an vavangaz a bien débuté.
Prochain rendez-vous le mardi 13 octobre au Théâtre Les Bambous avec Wild Classical Music Ensemble, groupe de rock expérimental belge fondé par un ensemble de musiciens porteurs de handicaps. Il seront rejoints sur scène par Gilles Lauret et notez-le la soirée débute à 18h !
Billets disponibles ici : https://www.lesbambous.re/spectacles/255-wild-classical-music-ensemble/
Le 23 octobre nou remont La Plaine des Palmistes avec Emmanuel Turpin et Olivier Ker Ourio Quartet ! Oubli pas résèrv zot plas !
Vendredi 23 octobre
Ouverture des portes 19h
Infos / résa 0693 63 39 39
Salle Guy Agénor, Plaine des Palmistes
Entrée 10€ en Prévente Adhérents sur Internet (12€ non adhérents) / 12€ (adhérents) 15€ sur place/ 5€ (Plaine)
Buvette et snacking sur place
Billetterie : https://bisik.re/olko
Texte : Mickaël Nava
Photos : Nicolas Renambatz
Contribution bénévole
⚠︎ Cet espace d'échange mis à disposition de nos lectrices et lecteurs ne reflète pas l'avis du média mais ceux des commentateurs. Les commentaires doivent être respectueux des individus et de la loi. Tout commentaire ne respectant pas ceux-ci ne sera pas publié. Consultez nos conditions générales d'utilisation. Vous souhaitez signaler un commentaire abusif, cliquez ici.