Pou (K)ozé davril, la sénn ouvér dann vouv Bisik, vandredi swar an premié lié navé souvnans, rékéiyman pou lo Lion Nicolas Moucazambo parti tro to péï la mor.
Bisik an souvnans son dernié pasaz su nout podiom pou akonpann Ti Fock la fé rézonn son kou tambour ek Harry Perigone téat sours viv 1995.
Aprésa Harry pou son dalon, son fra la shant an lémosiyon, partazé par tou lo publik, in morso Daniel Waro pou di konbiyn li va manké é donn la fors son famiy, dalon, zélév kontinu rakont zistwar lo lion maiyé ek sat Nicolas Moucazambo sou pié bwa la vi pou toultan astér.
Apré in moman for an lémosiyon sé Ammalya ek Jey, Elles’aimant, dé Madam pou donn la vwa ek la muzik David à la gitare é Harry o perku. Ant dousér é lézérté, ant tristéss é espwar, lo dékor la swaré té pozé par bana. Rebatizé par le publik lo tan zot prestasiyon kom « Les adorables » Ammalya ek Jey, Elles’aimant, la doné é pri an mém tan… zot sansiblité mé osi zot fors é kouraz an interprétan an mod « magnifaiik » trwa morso ousa zot la viz just an plin kér. Toushé mé debou é pa sél au mond, zot la ralim la lumièr o son zot vwa… Isn’t she lovely Elles’Aimant?
Arkansiel lémosiyon… 7 koulér… 7 po…
Aprésa Davy la liv anou son fonnkér, lo mo pou lo mo, lémosiyon pou lémosiyon sat i détak léspri i libér lo kèr, i léss la lang bat pou di son vérité, pou mét son lang, nout lang la plas li dwa ét.
Kom souvan in lémosiyon i kash in ot… in ot i ariv dériyér èk in nouvo zartis. Lorraine De la Hogue aka @lorraine-harmony sou lé not lo piano Clément Boyer se révèl (falé ét la pou konprann… lol) sur une repriz Diane Tell « Si j’étais un homme » avan in konpo perso « Mon Lespwar ». Harmony in bel univér, in zoli vwa pou un nouvo gayar dékouvért sinié swaré (K)ozé.. asuréman la swaré dé talan 974. Melodi, tempo é Hamony i fé rezonn la mizik for dann kér.
Sé dann se larkansiél lémosiyon muzikal lo duo Coco ek Doudou i pran le relé o mikro pou ral anou dan zot univér repriz ousa dousér é kalm i fé rezonn lé mo shak shanson zot i apropri azot pou lo plézir un publlik o diapazon.
Le Chik sé pa shik mé la muzik sé shik.
Sé o tour un tré shik typ Lalowaro fé joué sé dwa su in morso de bwa… di guitar dan lé milié averti… é partaz sanm nou son gayar. Apré son premié tit « J’irai jusqu’àu bout » Lalo waro lo boug la désot la mér pou in rougay boukané é retrouv son peï la fé dans un publik zénéré su in reggae Lavilliers et su in meddley, in ti rougay séga piké ousa kasaz lo rin la donn paké.
Dame devan kavalié dériyér, nou gard lo rtim ek Alex ousa séga sé in styl, in manièr vwar la vi. Alex lo ségatié i donn la kadans pa riyn dan lest kom son labitid mé osi ek In ti mesaz pou la pé é lamour.
Kisa Milé ? in group bandé !
Lo tan repran nout soufl sé shanzman dumér, de tonalité pou ékouté, » antann, aprann sanm Émile. Kamouflé sou sa kapush presk « incognito ». Kom pou éfas son présans fizik mé biyn Prézan vokalman Émile i partaz sanm nou in text for de Luidgi ‘Monde’. La vwa port lé mo é li aral anou dan shanson-là o rézonans profond. Émile kontinu shanté pou soulagé té pénn é no pénn é rest dan notre gran peti Monde…
Napwin (K)ozé san maloya osi avan lér i giyn somey sé lo group Milé anméné par Ludovic Amemoutou ek son bann e muzisiyen shantér i pran posésiyon la sénn Bisik. Azot tour kom nou la komansé, Mi Lé i dédi zot prestasiyon an respé pou rann ankor inn fwa omaz Nicolas Moucazambo.
Mi Lé, in maloya New Wave, in group biyn né. Mi Lé la suiv la rassin maloya sat i tizann anou bonkér sou pié kamelia é partou ou sa li va pasé. Mi Lé in maloya ousa lo ritm ternér maloya é larmoni zot vwa i tras in zoli siyon pou fé pét Maloya an flér kann o son in kayam mayé sanm in sati, roulèr, triangl…
Maloya, harmony pou in final dofé Mi lé la fé lév lo publik an maloya krazé pilé.
Mi Lé… NOU LÉ… maloya ankor partou toultan…
Kom tout festin fo savwar arét la fét mém kan el lé bél. Lo zié , lo kor, lespri plin démosiyon é santiman maiyé nou dwa kit anou é referm parantéz musikal (K)ozé pou mwa-si.
ROULO BRAVO pou tout lo bann zartis la ni zoué zot muzik, fonnkér sanm nou dann lamour é partaz.
Mersi lo publik kurié e biynvéyian la fé lo déplasman pou dékouv sa sanm nou.
Mersi bonpé tout sat i rann sa possibl an premié lieu lékip bandé Bisik.
In ti mo soutiyn osi pou tout sat i ral zot gongon la doulér….. Domin sé in ot zour…
Nartrouv vitman pou dot dékouvért é dot zémosiyon.
Bertrand Robert
Photos : Nicolas Renambatz
La semaine prochaine, vendredi 18 avril, le Bisik recevra Lisa Ducasse et Agnesca. Place aux femmes puissantes et aux sonorités pop et électro engagées pour une soirée dofé ! Seule sur scène, clavier et platine vinyle valise au bout des doigts, Lisa Ducasse invite au voyage de ses textes et sa voix. L’artiste nous présentera les titres de son album “Iléisme” qui vient de paraître. Attention, talent ! Elle a chanté en première partie de Zazie à l’Olympia, de Pomme et de Malik Djoudi dont elle semble faite du même bois, mais aussi de Zaho de Sagazan, Bertrand Belin, Arthur H et beaucoup d’autres qui ne s’y sont sans doute pas trompés : Lisa Ducasse a tout d’une grande. En after Agnesca, co-fondatrice du collectif “The beat Club”, distillera en DJ set ou en live act, une techno aux basses profondes et aux rythmes influencés par le maloya et les sonorités de l’océan Indien.
⚠︎ Cet espace d'échange mis à disposition de nos lectrices et lecteurs ne reflète pas l'avis du média mais ceux des commentateurs. Les commentaires doivent être respectueux des individus et de la loi. Tout commentaire ne respectant pas ceux-ci ne sera pas publié. Consultez nos conditions générales d'utilisation. Vous souhaitez signaler un commentaire abusif, cliquez ici.