(K) OZÉ, SANTÉ, SLAMÉ, CRIÉ, RAPÉ… PRÉZANTATÈR PAR LO BISIK
Wopé ! Koman i lé? Anou samdi swar pou trwaziém (K)OZÉ Bisik nou té biyn, tré biyn mém. An plin périod Dipavali nou Navé in pli zétwal su la sénn ouvér Bisik pou ilumininn la swaré.
Pou rant dann lanbians « Before » ek Joan.R biyn instalé dan zardin Bisik la tourn kom la ter otour Soley, li la tourn bouton son konsol DJ pou ral piblik dann in lanbians (K)OZÉ in samdi swar dann Sin Benwa péï Ousa soley i lév à la mer.
» Trio Véli » ek Mary Sisaye Girardot, Ema Custine la briy Tanto an kréol Tanto an fransé ek lo son « violoncelle » Célia Boudot. Bana la angant in publik lo zié té briy su shak mo Mary ou Ema , shak son Célia. Banna té port inn élot dann in lélan zénérosité é partaz lémosiyon ek santiman.
Mary Sisaye nout marénn ek son dé dalonn iyér swar la mont anou shemin ek zot zétwal Veli mé zot la alim la pist o zétwal pou lé zot zartis té ariv dériyér.
Tout lé posibl si la sénn Bisik, Gérode Rubégue sourir an transh papay la mét lanbians ek son dé morso Kaf Malbar an atandan son prop konposisiyon pou lané proshinn.
Yann la fwa davan lavé fé pét lo son son saxofonn kou-si la fé rézonn lé bonn not ek son piano pou kontinu « l’odysée » mizikal.
Yann an atandan la tourné akoustik pou lané 2023 son morso « Adiyé » an parmi lé zot la toush domoun dann fon zot kér.
Sénn ouvér pou tout kalité Kozé, tout kalité lémosiyon… Kana Geek tel in Sazitér la dékosh son flésh pou dékrosh la mashwar an rir pou in « stand up » 974… tout an rir té san le véku ☺
Fabien Crochet pou son retour Bisik la slam tél in funanbul ek lo mo pou dékrosh in zétwal dann zié lo publik.
Ki di kozé di fonnkér… Clarisse Dejar in fonnkézéz vénusiynn mé lé pié biyn anrasiné dann son kréolité na pwin son paréy pou fé alim ti fanal lémosiyon. El la fé vizit anou La Réniyon an fonnkér.
*** Sin Benwa i reprézant ! ***
Dann le galaxy Bisik ARMS nouvo venu li Néna lé bann lét pou la planét Mars mé an bon tériyn li la pran son anvol pou son premié eskal su podiom Bisik. Li té solér ou Solaariyn dann son mo é son rythmik. In premié fwa validé ek in gou à refér.
Mathilde an slam métrizé pou in « poète empoté » la anbark spéktatér dan son fuzé pou mét lo mo an orbit.
« Skipo » alias Florent in marmay Sin Benwa o shant é Alex à la gitar la été batizé pou zot promié voyaz vér la planét Bisik. Dousman ti dousman mé sirman li karéss zétwal ek son vwa an dousér.
Dreamer in zanfan la planét rap 974 la pran le bon labitid tou lé mwa ni fé klak lo son, dans lo mo dann in tempo i San bon le rap San artfis mé otantik pur é dur mé osi an domiél i gliss trankil dann ou tét.
Kan i di La Réniyon néna inkrwayabl talan sat lé sur nou pe mét su la list sat Pauline Maillot. Ael tou sél si in lunivér musikal ek in vwa ou demann voyazé o plu pré bann zétwal ankor ék ankor ek dé anvi dakor de Yannick Lebeau à la gitar. Yannick in zétwal montan i fé dans son bann dwa su lé kord son gitar kom in mazigador î ansorsél aou.
Sin Benwa té biyn reprézanté iyér swar ek osi Maeva Constante in ti manzél o rap i san biyn in tanpéraman koulér rouz dofé in létshi shemin Bras Canot.
Kan napi néna ankor ek Mallory Lebeau in zéness i atann pa, i bouiy tél in volkan pou fé pét in vwa, in grataz gitar i ral anou zisko bou la nuit. Mét ankor Napwin asé.
Kan napi néna ankor… in ti béf pou « l’after » ant Pauline, Mallory, Yannick, Fabien, Dreamer mé osi Dedette ek Vanessa Cadar (i viyn lo 10 désanm) la ferm lo (K)ozé 3ém versiyon 2022.
Bertrand Robert
Mersi sitantélamn tout bann zartis, zot talan, zot pasion, zot l’inspirasion…
Mersi bonpé Beurty Dubard ek Bertrand Robert lé « M.C » kontér, fonnkézer, prézantatér bann talan prézan.
Mersi zot tout zot présens, zot curiozité, zot bienveyans.
Mersi l’ékip Bisik, bann partenèr, bann soutiyen, !
Mersi et nou artrouv lo 10 désanm pou dernié (K)ozé lané… Noua atan azot !
Son : Vincent Gerbith
Lumière : Alexandre Duchemann
Photos : Iris Mardémoutou
My Joséphine la semaine prochaine
Et en attendant, la semaine prochaine, vendredi 11 novembre à partir de 19h, nous vous donnons rendez-vous avec My Joséphine qui sera au Bisik pour un concert magique !
My Josephine, c’est le projet le plus personnel de la chanteuse, contrebassiste et compositrice Marie Nosmas, inspiré par ses racines réunionnaises.
MY JOSÉPHINE hybride avec originalité une voix jazz & blues, avec des rythmiques créoles et du beatmaking.
Accompagnée par le beatmaker DUFF du groupe MANIACX au fingerdrum et le guitariste Louis Huck, Marie compose en 3 langues : français, créole et anglais.
MY JOSÉPHINE c’est un univers intimiste et envoûtant aux tonalités tribales à découvrir impérativement !
Première partie : OHM avec @loyaproject et Balakumar Music
Pensez à réserver vos places dès maintenant, en ligne : https://cutt.ly/UNWC12w
Ouverture des portes 19h. Début du premier concert 20h00
Infos / résa au 0693633939
Chaque contribution publiée sur le média nous semble répondre aux critères élémentaires de respect des personnes et des communautés. Elle reflète l’opinion de son ou ses signataires, pas forcément celle du comité de lecture de Parallèle Sud.
