Georges Ah-Tiane est impliqué dans la vie associative depuis 1990. En France où il a vécu de nombreuses années, il s’est investi dans la promotion de la culture réunionnaise au travers de nombreux biais : en créant des associations, en enseignant le créole, en mettant en avant le patrimoine culinaire péi ou encore la musique. Il a créé des ponts entre La Réunion et la diaspora installée en France. Il a participé à une radio associative pendant douze ans avant de créer des fanzines ou petits journaux, « carry créole », « la lettre d’art’s ». De retour à La Réunion, il s’est impliqué dans la langue créole et « la conscientisation », avec l’objectif d’analyser la société réunionnaise, comprendre son fonctionnement. Dans le but de « voir quels sont les freins et comment les contourner pour aller de l’avant ». Cette chronique hebdomadaire fait suite à la gazette “kreo-lutionnaire” imprimée, l’Eko la Ravine, qu’il a tenue entre 2019 et 2020.
Sa in chanson du group Baster i rannkont la situation bann réyoné dan la vi komela.
An plis problèm lidantité, lasistans… i di aou lèr la fine arivé pou pans an réyoné.
Kosasa ?
Sa i vé dir ke malgré la koulèr nout po, nout métisaz, nout lorizine malgré nout fason manjé, nout manièr fé, nou pans pa an réyoné ou sinon, kansa nou la arèt pans an réyoné ?
Kestionnman la lé bandé !
Lo filozof Descartes la di : « je pense, donc je suis », nana pou kozé ladsu.
Traduction : « mi pans, donk mi lé » ! Si mi pans pa mi koné pa kisa mi lé é mi koné pa kosa mi fé terla. Parlfèt mi ignore in takon zafèr. Si mi pans pa, mwin lé pa kapab ékouté, konprann in situation, jujé, évalué, remèt an kestion… mwin lé dan le ni oui ni non, inkapab désine mon lavnir.
Zot va dir amwin ke lo rakoursi lé fasil é lé ozé, na war sa pli loin.
Dézièm zafer, mi pans mé pa an réyoné ! mi supoz ke réyoné terlà i veu dire tout sak i retrouv azot dan lo brassage ethno-multi-culturel ke i konpoz nout péï, hormis sak i viv an komunoté, si mi tromp pa. Asterlà, si mi pans pa an réyoné, donk mi pans à travers le shéma dominant, moralisateur, endoctrinant, dann in relation maitre-esclave (terme galvaudé qui décrit bien la situation dominant-dominé).
So pansé, kom in vue de l’esprit, li lé déformé par le prisme du dominant. Nou peu avoir l’apparence d’un kréol, indigène, traditionnel… et penser kom in kolon (bounty).
Mi explik sa : dan le cas des iles plantations devenues confettis de l’Empire, zot la fé kroir anou ke le modèle blan la été élu par Dieu et ke les noirs-métis i devait soumèt azot à cette loi divine. In léskrokri ke listoir la perpétué en certitude et d’évidence en évidence, les noirs-métis la komans intèg la pensée blanche tout en reniant tout ou partie de zot mèm. Nou appel sa osi aliénation.
Ex : si le maître dit que le noir désobéissant est habité par le diable, les « bons » noirs voudrons bannir leurs propres frères et sœurs, ayant peur d’aller en enfer.
La pensée occidentale faisant son chemin dans l’esprit des opprimés, ceux-ci se sont enfermés de leur plein gré dans le schéma kolonial. Le crime est presque parfait !
Asterlà, kosa i veu dir pansé an réyoné ?
Dann tout péï (koméla i di région) nana domoun ékléré. Le narratif blan i parl de révolté, de révolutionèr, de racist… sa sé zot langaz an bwa.
Alor in travayèr si li réklam le fruit son travay, li lé in révolutionèr ? manz ma payé.
Pou pans an réyoné i fo komans par koz an réyoné, sé la lang i struktur lespri an promié. Lo zyé gran rouver, poz out dé pat àtèr, observ lézot (out kamarad mé osi tout sak i sort péï déor) domann aou kosa lé bon, kosa lé pa bon pou ou. Bann modèl i sort déor lé pa forséman méyèr pou ou. La teknoloji lé pa forséman in bon zafèr. Rogard kel konsékans ou nora pli tar, pou ou mèm, pou out zanfan, pou out kiltir.
Koz ek out lantouraz, mèm si ou lé pa dakor, fache pa ek zot, explik.
Alé war dan ninport kel région du monde, bann zabitan i défann zot téritoire kont la gentrification, poukoué pa nou ?
Komans par arèt kroir ke nou lé pa kapab, oui nou lé kapab ! Kom di Danyèl, nou lé in moun pa in demi moun, la parol lé zot i vaut pa plis ke nout parol.
Pans an réyoné lé pa unikman konsiantization ou réfleksion, lé in processus de réappropriation de lespas, de nout lanvironnman, la natur, nout vi lontan, nout bann zansien, nout promié pa…
In manièr di nou aksep pa i viol nout lumanité, nout téritoir, ke i plait ou i plait pa.
Georges Ah-Tiane pour l’Eko la Ravine
