L’EKO LA RAVINE
Adyé,
Dabor inn, granmerci Parallèle Sud ki done amwin in lespas l’expression dann son journal. Mi propoz azot in rubrique su la société, an « lékritir réyoné, métod populèr ».
Kosa i lé ? sé in métod ke ma la mèt an plas pou done l’envie lir é ékrir an réyoné. Métod la, lé basé su plusieur grafi é mi précise bien ke sé pa in nouvo grafi.
Nana zavantaz mé osi zinkonvénian. Ii ituliz lo « k, w, z», kan lo mo lé stable é lizib, mé pa toultan. Li tien kont lo kozé (l’oralité) de la majorité bann kréol, des bas, des hauts, du milieu é de divers origines : kaf, malbar, yab, zarab, chinois, zorey… Nou la besoin in langékri ki cimente lo pèp.
Son linkonvénian parkont : tank in mo i trouv pa son plas (dann in diktionèr ?) son lortograf i peu varier, é si nou utiliz bann mo siantifik, filozofik, teknik… nou lès ali tel kel an fransé si fonétikman li freine la lektur parske la fonétization lé pa toujours efficace.
Deux pti mo desu « l’Eko la Ravine »
Ma na poin lintention de rant an compétition ni an conflit ek bann linguiste, militan, fonnkézèr la lang. Métod la lé kritikab mé mi souèt mèt ali an pratik é mwin lé ouvert o kritik.
Deux pti mo desu « l’Eko la Ravine » :
Lété inn ti journal ke ma la édité an 2019-2020 (7 numéro é 3 spécial) ek in lespri maronaz lontan parske nout zancèt i habite ankor nout mazination. Bann kréol apré lesklavaz ek kolonisation i doit konstrui zot révolution dann in contexte apaisé é déterminant pou zot mèm.
Nou nana le devoir é le pouvoir dessine kosa sora nout demain. Nout lavnir komun lé a konstruir dan la diversité é le respect. « Sortir de la chape de la normalité du politiquement correct, pou trouv la vérité ek l’harmonie. »
Narvu
Georges Ah-Tiane
Chaque contribution publiée sur le média nous semble répondre aux critères élémentaires de respect des personnes et des communautés. Elle reflète l’opinion de son ou ses signataires, pas forcément celle du comité de lecture de Parallèle Sud.
