Kozé Bisik

[Bisik] (K)OZÉ : In plui talan ek vigilanz for lémosiyon

SWARÉ (K)OZÉ RACONTÉ PAR LE BISIK

Ding! Dong! La klosh la soné…Pascal Saint-Pierre le direktér Bisik la sonn le rapel dé troup pou lans lo nouvo sézon 2023 Bisik.


Beurty Dubard ek Bertrand Robert lé zanimatér, kontér, fonnkézér, kriyér i rant an sénn pou Lans la swaré.  In swaré plasé dantré sou lo sinn bann liyn pou noué, in swaré pou révé…. mé ansanm!
Kriké ! Jean Bernard Ifanohiza lo Parin promié parin 2023 swaré (K)ozé i donn le la… ou pluto… lo mo… lo mo li sém  dann in rakontaz zistwar i anbark son publik su in tapi volan o plu profon zot limazinér.

Kozé Bisik
© Iris Mardémoutou


Plané… plané..  lo rév lété vivman rekomandé iyér swar.
Apresa Beurty ek Bertrand la prézant piblik lo konsept « la bwat à mo » . Si dann publik néna navé teks, kozman pou partazé mé zot i ve pa mont su podium pou di… banna va di pou zot… Ou dépoz ou teks dan la bwat é pendan la swaré bana va déklam zot teks. Pou donn lo gou le dé kriyér i propoz tout sat i vé ekri in fraz su lo tém « lo rév » é an fin swaré na lir tout fraz va donn in teks nora fé ansanm, nora rév ansanm. Domoun la rant dann Ron… zoli kozé lété ékri la trouv shemin la bwat pou gran plézir lé 2 kriyér ek notaman in teks MZ ou in zistwar anvoyé par Éric Marceli.

Kozé Bisik
© Iris Mardémoutou


Kriké ! Kraké! Koton mayi i koul! Lo rosh i flot. Le rev lé permi.
Si néna in zafér tout démoun i rév é i demann osi in liyn solid sé biyn lamour…Meliyo promié à rant dann ron ek son tit « Mi aim aou la biyn kompri ».
Aprésa Lo promié à avwar révé é kré Bisik Jean Francois Cadet la larg son fonnkér « Zistwar kouraz » akoz pou rév in vi méiyér i fo osi kouraz kar riyn lé fasil dan la vi, fo soubat.

Kozé Bisik
© Iris Mardémoutou


Vincent Lak’esh Rap slam 974 la  zoué ek lé mo é lé lé not de muzik pou partaz son lunivér ek in publik té anval shakinn son parol.
Si na biyn in moun la beswin révé pou mazinn domin sé marmay. Lou Fontaine in ti fi la soufl kom in gran moun son poém « Le vent » ek son fréshér dann zoréy publik.

La lang napwin lo zo léss ali shanté less ali bers anou


Lydie Catherine néna in liyn partikulié ek son gitar é sa vwa la balad anou dann in mélanz lémosiyon partazé san retenu ek lo publik.
M’lin la « standupéz » dé ŕezo sosio la rapel anou lo rir lé o konbiyn inportan dan nout vi. El la  krok lé travér dé zonm pou mét ael dan la posh tout fanm dann piblik. Moukat lo zonm aparaman i kré lo liyn ant fanm tandi le MC la swaré BR la eséiy donn ael la réplik la pran pou tout lé zot boug dan la zwa é lo rir.

Kozé Bisik
© Iris Mardémoutou


Yannick Lebeau, 2 gitar, de not muzik é in gran talan an devenir akoz napwin laz pou fé plann demoun le tan 2 shanson dan son  luniivér.
An parmi lé surpriz iyér swar, Gael Vellleyen, lo shantér Kréolokoz la ni sém son fonnkozé osi fran é direkt mé osi  dou é lézé kom son vwa . Gael i donn anou osi randévou zordi 5 désanm 17h Salle gramoun Lélé pou lo spextak « AMÉNN AWIN » ek Chistine Salem, Gwendoline Absalon ek lo kér Amadeus.
In zoli spextak plin lémosiyon si violans intrafamilial.

© Iris Mardémoutou


Rekonsili lo mo ek la mizik, fé lo liyn ant la famiy ek dalonaz… Clémence Faveur 3em pri  konkour Lankréol 2022 la fé pou nou. EK son lantouraz pintad mizisyn frér, sér, dalon Cedric, Samuel, Nelsie… Clémence la ral anou ant fonnkér é shanson su shemin El la trasé ek son vwa, sé teks. Nou la suiv ael san réserv  kom si nou té koné anou dopi lontan
Sitantelman la konéksiyon té évidan.
Aprésa Lari la prolonz la parentéz ek son kozman lo kér  akoz i koz ek lo kér apré i mét lo mo dési. Zistwar fonnkér i ramass pa mentir kom i di B.R.

  • Kozé Bisik
  • Kozé Bisik
  • Kozé Bisik
  • Kozé Bisik
  • Kozé Bisik
  • Kozé Bisik
  • Kozé Bisik


« Only for a moment » in tit prémonitwar kom i di pou Elsa Macé la pouss baro Bisik  pou shant pou nou an anglé dé morso…La lang napwin lo zo léss ali shanté less ali bers anou.
Dann Bisik dé fwa kan ou krwa napi néna ankor… sé Rosanne an mode vakans, zis  debarké sé el la anbark anou lo tan in shanson ael « Courting ». Kourtisé, sédui par sa kompo,Rosanne, la lans son apel pou lo publik à la méditasiyon pou nout gran plézir.

« Rest ma maloya », mét ankor la pa asé


Zisko bout lo publik la tiynbo seré ansanm pou aprésa Akeuiy « Emma Argan » ek in revizit « Rest ma maloya » Alain Peters la fé son léfé… An ran seré lo poblik la akonpann ael dann son « rest la maloya » kom pou di ael mét ankor la pa asé.
Morgan, Mathieu, Aniel an mod sourir transh papay lé fé sonn kayanm, gitar, cajon pou lo déziém morso, in kompo Emma aprésa.
Lo tan té pass, malgré in vié lér kom nou té tro kontan partaz swaré la ansanm nou la trouv ankor in ti  plas pou Guigs, in ti plas pou Frédéric Maillot… shakénn zot tour, shakin ek zot  gitar, shakénn zot lunivér… mé nout tout ansanm pou bat la min pou shant lé derniè shanson la swaré.
Nou te giyn pa kit anou iyér swar san dansé ansanm… sa sé Dj Alejandro la okip lo zafér.  Arivé bon-ér  dopi Ste Rose le zénn Dj la anflam la pist pou fé dans le publik avan in dernié o revwar.
Rdv vou té  pri mwa proshin 4 mars pou in ot senn ouvér (K)ozé.
Bisik navé le ve  pou lané i ariv domoun nou arkré lo liyn ansanm. Publik prézan iyer swar la fé lo promié pa. Nou la koz ansanm, nou la shant ansanm, nou la ékri ansanm, nou la ri ansanm, nou la dans ansanm, nou la manzé é bwar ansanm é biyn sir lo tan la swaré nou la rév ansanm.
Mersi Bonpé lé zartis la réponn prézan é lé piblik  biynvéiyan tré nonbré té la pou partaz zot gayar zisko bout la swaré. Mersi ankor nout parin Jean Bernard Ifanohiza pou son zistwar ek son prézans.
Kriké! Kraké !


Bertrand Robert

Régie : Alexandre Duchemann

Son : Vincent Gerbith

Lumières : Alexandre Jacquot  

Photos : Iris Mardémoutou

Un grand merci à Joan’R, Dominique, Bertrand et Beurty ainsi qu’à l’ensemble des artistes qui ont illuminé la scène du Bisik d’une pluie d’émotions intenses pour cette reprise incroyable !

Merci à l’ensemble de nos partenaires pour leur soutien, à notre équipe toujours incroyable, au Food Truck le Zantak pour ses burgers délicieux, à nos très chers bénévoles, et à toutes celles et ceux qui étaient présents pour cette soirée une fois de plus inoubliable ! Merci de votre présence, merci pour la force, merci de votre passion !

Loya Champloo et Claudio Rabe ! Rendez-vous en terre inconnue

Vendredi 10 février, nous recevrons Claudio Rabe, danseur et chorégraphe mais aussi musicien, pour la restitution d’une résidence de création exclusive qu’il mène au Bisik en ce début d’année en compagnie de Tsiry et de Njiva, deux artistes malgaches. En deuxième partie, Loya Champloo, groupe ethno groove polymorphe, poursuivra la soirée pour un voyage en terre inconnue à ne pas manquer. On compte sur vous !

Ouverture des portes 19h
Infos / résa au 0693 63 39 39
Entrée 8€ en Prévente Adhérents sur Internet (10€ non adhérents) / 12€ sur place
Buvette et restauration sur place
Achetez vos billets en ligne ! https://urlz.fr/ks7l

A propos de l'auteur

Kozé libre

A Parallèle Sud nous nous faisons un devoir de libérer la parole, de la partager, sous quelque forme que ce soit (texte, vidéo, son, BD...). Chaque lecteur peut être acteur et créer l'information. Celle-ci est relue par le comité de lecture de Parallèle Sud avant d'être publiée dans la Libre expression.