LIBRE EXPRESSION : MÉDITATION FONKÈR DE SORAYA AYAPERMAL
Fèrm out zié… ou pa. Fé kom ou vé…
Nou va batkaré inkou
Kél kalité pyèdbwa oulé ?
Mazine oulé isi atèr-la
Isi, la-minm
Réspir inkou
Kan ou inspir
Tout lèr i rant i fé gonf out vant
Kan ou ékspir, mazine lèr i sava
Out vant i dégonf, i rant anndan.
Pran lotan la po ou
Ou sé in gayar moun, pran lotan po ou
Kaz in poz, respir…
Avéy somin oula fine fé
Astèr poz aou
Mazine…
Mazine ou sé in pyèdbwa…
In gayar pyèdbwa
Out bann rasine lé byin ankré dan latèr
Oulé solid ousa oulé
Ousa ou arét oulé ankré
Kél kalité pyèdbwa oulé ?
In banian ?
In pyé tamarin ?
In pyé mang ou létshi ?
In bél pyé fanzan ?
Mazine out rasine in lankraz
Out kanopé in kourone
Véy konm oulé zoli, for, gayar 
Mazine ou sé in joli pyèdbwa…
Soraya Ayapermal A, juillet 2023
